“Zutitu egiten dena inoiz erori ez dena baino handiagoa da”

Concepción Arenal 

Kontsultara etor zaitezen proposatzen dizut gainezka egiten dizun egoeran zaudenean, zure kabuz edo zure ingurune hurbilenak eskaintzen dizun euskarriaren bidez konpontzeko ez zarenean gai.

Psikiatrarenera jo...

1. Egoera batek gainezka egiten dizunean

Behar den bezala ez duzunean atseden hartzen, motibazioa galdu duzunean eta energiarik gabe zaudenean, zeure burua bakartu eta ohetik altxatu nahi ez duzunean, gustukoak dituzun gauzekiko interesa galtzen duzunean. Halaber, psikiatrarenera jo edozein atsekaberen aurrean suminkor agertzen zarenean eta, aldi berean, horrelako erantzunak izatearen ondorioz errudun sentitzen zarenean.

Kasu horietan, leku neutralera jotzea, gertatzen zaizuna hitzez adieraztea, zure bizitzaren alderdi guztiak aztertzea, eta ohikotasuna berreskuratzeko estrategia errealista zehaztea nahikoa izan daiteke egoera konpontzeko.

Ohizko arazoak: antsietate-depresiozko koadro erreaktiboak edo egokitzapenekoak. Koadrorik ohikoenak dira. Bizitzan aurkako egoerak sortzen direnean edo estres handiko egoerak gertatzen direnean nagusitzen dira. Egoera horiek gure arazoei aurre egiteko gaitasuna gainezkatu dezakete, eta gure ohikotasuna berreskuratzeko laguntza behar izan dezakegu.

Hitzordua eskatu
Cuando ir al psiquiatra

2. Medikuak psikiatrarenera jotzea gomendatzen digunean

Gu aztertu ondoren gaixotasun organikorik ez daukagula bermatu ondoren, lehen mailako medikuak edo beste edozein espezialistak psikiatraren kontsultara jotzea proposa diezaguke. Izan ere, psikiatrak esku hartu dezakeela eta arazoa konpontzeko erabilgarria izan daitekeela uste du medikuak kasu horietan.

Kezkak gorputzean barneratzea (guk psikiatrok “somatizatu” deitzen dugun prozesua, alegia) zenbait egoerari aurre egitean izaten dugun beldurretik babesteko edo kontrolatu ezin ditugun emozioak onartzeko era da.

Ohizko arazoak: somatizazioak. Batzuetan, jasangarriagoa izaten da guretzat ohiko gaixotasunen bat izatea, berekin dakartzan proba eta sendabideekin, inguruneak eskatzen digun guztiari aurre egin ahal ez izateak ekartzen duen frustrazioa eta erruari buruz pentsatzea baino. Onuragarria da, beraz, geure mugak onartzea, eta gure energia zertan erabiltzen dugun lehenestea.

Hitzordua eskatu

3. Buruko arazo larria daukagunean

Pazienteari ezgaitasun handia eragiten dioten gaixotasunak, diziplina anitzeko arreta behar dutenak. Gehienetan, eskizofreniako edo desoreka bipolarreko kasurik larrienak etortzen zaizkigu burura, baina edozein buruko desoreka larria izan daiteke, ezgaitasuna eragin dezake, eta tratatzeko euskarri zabala behar izan dezake.

Euskarri integral hori Osakidetzak Bizkaiko Osasun Mentaleko Sarearen bitartez eskaintzen du, baita Basurtuko Unibertsitate Ospitalearen, Gurutzetako Unibertsitate Ospitalearen, eta Galdakao-Usansolo Ospitalearen Psikiatria-zerbitzuen bitartez ere.

Buruko arazo larriak nagusitzen direnean, nire lana Osakidetzako arreta osatzea da, pazientea sistematik eta berarentzat onuragarriak izan daitezkeen baliabideetatik aldendu gabe.

Hitzordua eskatu